කඳුළු කිරි පොවා
තුරුලේ සෙනෙහසින් හදා
කඳුළු විල දිගේ
නොපෙනී ගියෙදෝ අම්මා
සත් පියුම් විලේ
විල මැද යළි පිපී දිලේ
දුටු සඳ දරුවන් වෙත මවකගේ සෙනේ
මිහිකත වුව හඬා වැටේ
නිවන් මං පෙතේ
ඔබ ගිය මංලකුණු පෙනේ
වඩින දා නිවන් පුතු සෙනේ වඩා
මා දෙස බලනු මට දැනේ
Artist : Dr. W.D අමරදේව
දෙනෙත් පුරා පිරි කඳුළැල්
පිටාරයට හසු නොවන්න
වියැලුනු සිත් සනසවන්න
නදී තරංගා //
දෙසවන පිරි රිදී හඬට
සිතේ ගින්න එපා දෙන්න
ඈත ඉඳන් සිනහ සෙන්න
නදී තරංගා…
නිසල දෙනෙත සසල වන්න
දෙතොල් සිනහවට නඟන්න
මඟේ සිතට දිරිය දෙන්න
නදී තරංගා…
Artist : සුමිත් ප්රියංකර
ගමට කලින් හිරු මුළුතැන්ගෙට වඩිනා
ඒ හිරු එළියේ නැන මල් පොඩි පිපුනා
ඒ මල් සුවඳේ අද ලොව්තුරු සුව විඳිනා
කලා වැවේ නිල් දියවර අපෙ අම්මා
රෑ කළුවර අරගෙන දරුවන් එනතුරු
හිත නෑ නිවන් දකින්නේ
රෑ කළුවර ඇවිදින් ඉකිබිඳ හැඬුවත්
සිත නෑ නිදි විඳ ගන්නේ
හෙට අරුණට සැරසෙන තව දවසක් ගැන
නින්දේ සිහින දකින්නේ
මහමායවනි කවදාදෝ ඔය නෙතු
දරු සෙනෙහසින් මිදෙන්නේ
වෙල් දෙණිවල ඇවිදින් දෙපා රිදෙන විට
විහඟ ගීත බණ පද වේවා
බෝ මළුවක ඇවිලෙන පහන් වැටක් සේ
තුන් සිත නිවී සැදේවා
මතු උපදින සසරේ විශාකාව වී
මෙත් මඟ නෙත් හමුවේවා
ඇත් රැජිණියනේ ඔබෙ නැළවිලි ගීතය
ලොවම නිවන කවියක් වේවා
Artist : T.M ජයරත්න
දුකේදී හැඬුමට සැපේ දී
සිනාසෙන්නට ලඟ ඉඳන්
තවත් අම්මා කෙනෙකු ඇත්නම්
නුඹයි ඒ අම්මා
සොඳුරියෙ නුඹයි ඒ අම්මා…
අහස මෙන් ලත් චෝදනා
පොළොව මෙන් දුක් උහුලනා
මෑණියන් වී සෙනෙහසින් මුල් වරට ඉපැදිලා
සොඳුරියෙ නුඹෙ සෙනෙහසින් ඉමි
ලොවෙහි රජවීලා…
දුකේදී හැඬුමට…..
සිතට සැනසුම් කල්පනා
ගෙනෙන පාදා වාසනා
තනා ටජ්මහලක් පිවිතුරු සෙනෙහෙ ගං තීරේ
සොඳුරියෙ නුඹේ රුව අඹා ගමි මහද මන්දීරේ
දුකේදී හැඬුමට…..
Artist : T.M ජයරත්න
මහමෙර මුඳුනට නැඟිලා බැලුවත්
ඊට උසයි නුඹෙ සෙනෙහස අම්මේ
වේල නොකා මට කිරි පෙව් දා නුඹ
සසල උනා මහ පොළොවත් අම්මේ //
බුදුවෙන බෝසත් ජීවිතයක් සේ
පාරමිතා පිරුවා සසරේ //
අම්මා කෙනෙකුගෙ මෙහෙවර ඉටුකළ
නුඹ බුදු වෙනවා මතු සසරේ //
දරුවන් වෙනුවෙන් විඳි මහ දුක් කඳ
හැඬුමක් නොම විය නුඹගෙ ළයේ //
දරුවන් බැනුමත් සෙත් කවියක් මෙනි
අම්මා කෙනෙකුට කඳුළු උනේ //
Artist : ගුණදාස කපුගේ
අම්මා කියලා කා අමතන්නේ
තාමත් නුඹ දරු දුක උහුලන්නේ
මේ නඟරේ මා කොටු වී ඉන්නේ
හිත් පිත් නැති උන් ගිනි අවුලන්නේ
අම්මා කියලා කා අමතන්නේ
දෑස සමන්මල් දෝතක් සේයා
දෝත නුඹේ සිල් සුවඳ සදායා //
අම්මා ලඟ නැති අඩුව සිඳේයා
අම්මේ නුඹ් මට ලොවක් වටීයා
පාලුව තනිකම නුඹත් දවාදෝ
වාරුව දෙන්නට කවුරු සිටීදෝ //
දූ දරුවන් අද කොතැන ගියාදෝ
අම්මේ නුඹ බුදු පතවි ලබාදෝ
අම්මා කියලා කා අමතන්නේ
තාමත් නුඹ දරු දුක උහුලන්නේ
Artist : රෝහණ බෝගොඩ
පියාණනි මා නැවත උපන්නොත්
අපාර වූ මේ සංසාරේ
ඔබේම පුතු වේවා //
ශිල්ප සතර දී සිහසුන හිඳුවා
ඔබට අහිමි ලොව මා රජ කරවා //
ඈත ඉඳන් ඔබ බලා සිටින්නේ
නෑ ඔබ වන් පියවරු හමුවන්නේ
පියාණනි මා නැවත උපන්නොත්
අපාර වූ මේ සංසාරේ
ඔබේම පුතු වේවා //
හිතමිතුරන් මා හැරගිය දවසේ
ලොවම එරෙහි වී නතිවුණු මොහොතේ //
ඔබේ පැලේ නැත දොරගුළු ලන්නේ
ඔබේ සෙනේ ගඟ නැත වියලෙන්නේ
පියාණනි මා නැවත උපන්නොත්
අපාර වූ මේ සංසාරේ
ඔබේම පුතු වේවා //
Artist : අබේවර්ධන බාලසූරිය
අම්මේ ඔබෙ ගුණ මහිම කියන්නට
මට නම් මේ භව කතර මඳි
හැල්මේ දුවවිත් තුරුලෙ රැඳෙන්නට
ඉස්සර වගෙ තාමත් කැමති //
අගිල් කපුරු දුම් පහන් පැලේ
මල් ඇතිරුව පලසේ //
හමන සුවඳ ඔබෙ සුවඳ තරම් මට
නොදැනෙයි හැම මොහොතේ
අම්මේ ඔබෙ ගුණ මහිම කියන්නට…..
උදාර පදවිය දරාන විඳි දුක
මට නොරිදා කුසයේ
දරු නැලවිලි ගී කීව ලතාවට
මල් හැදුනා අම්මේ
අම්මේ ඔබෙ ගුණ මහිම කියන්නට…..
Artist : රොෂාන් ප්රනාන්දු
අම්මා සඳකි මම ඒ ලොව හිරුය රිදී
ඒ ඉරහඳින් නුඹෙ ලෝකය එළිය උනි
රැකුමට පුතුන් දිවියේ දුක් ගැහැට විඳී
පිය සෙනෙහසට කව් ගී ලියවුනා මඳි
සිරුරේ දුවන්නේ මඟෙ ලේ නොවැ පුතුනේ
කුසයේ නොදැරුවත් දිවි බර මට දැනුනේ
මහමෙරකට උසයි දරු පෙම හද පතුලේ
පුදුමයි පුතුනි කිම මඟෙ ලේ කිරි නොවුනේ
මවකට මුවා වී නුඹ වෙත දිරි දුන්නේ
මම වෙමි පුතුනි එය මා පමනයි දන්නේ
පිය සෙනෙහස නැතිද දරුවනි හඳුනන්නේ
අම්මාවරුන් පමනද මතු බුදුවන්නේ
Artist : T.M ජයරත්න
නුඹේ සෙනෙහෙ විල
මඟේ පතුම් විල
පිපුණු තඹුරු කුසුමයි අම්මේ
දයාදියෙන් පිරි මහ බෝසත් නුඹ
විශාකාව වී දෝ අම්මේ
හිස මත දුක් ගිනි ඇවිලී ඇති මුත්
හදවත පියුමකි ඔබෙ අම්මේ
නිවන් දකින්නට ඔබ කළ පින් ඇති
ගෙදර බුදුන් උත්තම අම්මේ
සුවපත් කරනට අපගේ හදවත්
දෙව්ලොව සිට වැඩියද අම්මේ
දූ මුණුබුරුවෝ හැදූ පිනම ඇති
අමා නිවන් ලැබුමට අම්මේ
Artist : නාමල් උඩුගම
